Wendy...永別了!

昨天，心情很複雜。Boxing Day 原本是一個歡天喜地的日子，我下午還參加了CU Bio 的BBQ Party，到晚上卻出席了好友Wendy的安息禮拜。

親愛的Wendy,

雖然妳已離開我們兩個星期，但唔知點解，她好像從沒有離開過我們似的。我與妳是在參加湖南扶貧團時認識，妳給我的印象，是一位「傻大姐」，但做事時就非常認真。妳的遠見，總給我們很大的啟發；妳開朗樂觀的性格，總給我們很大的鼓勵；妳的笑聲，總帶給我們很大的歡樂。

認識你們一班「扶貧之友」，真的是很大的恩典。在我的大學生活中，很少有一班朋友可以互訴心事，我地既gathering次數簡直不能數算! 而妳，就好像我們的大姐姐般。

妳對工作的熱誠，昨晚從妳同事的口中可知一二。妳對中國教會的負擔，令妳對工作的全然付出。但可知妳這樣會捱壞身子嗎? 還記得年多前得知妳患了cancer，心裡很著緊…到後來療程好像讓妳擁有第二次的生命。但幾個月之前再知道妳癌症復發，看見妳對生命的熱誠和喜悅，以及對神完完全全的信靠，實在給予我生命很大的鼓勵! 很難想像一個正進行化療的病人，竟與其他人毫無分別，還可以與我們談天說笑。就算精神不佳，都每天更新網誌。而最後的數個月，我們協助妳排版，感謝主，讓妳在生前都能看見第一版!

三星期前，到靈實探望妳時，真的很心酸。我相信愛錫妳的朋友，絕不忍心看見妳被病魔折磨。

今天，妳已在天父的旁邊享受天家的福樂，但願妳的生命成為其他人的激勵，而妳的經歷亦能為其他病人帶來鼓勵!

謝謝妳，讓我反思生命中最重要的是什麼，以及人生的優次。

妳的扶貧之友

Annie

與妳最後一張單獨合照 (兩個月前)

還記得.........

2002年湖南扶貧團認識了妳和一班好知己

自從「扶貧之友」相識之後，一連串的gathering正式展開!!

地點分別係中大宿舍、中大MMW、Wendy / Annie屋企、火炭食宵夜、cafe、

去年聖誕節在晶晶家聚首一堂、談天說地

兩個月前最後一次拜訪妳的家

感謝天父讓我可以認識妳!

再見了，Wendy!

Yes Madam!

今日F.3 的同學仔終於都回歸校園喇!!

從早會叫早晨, 到上堂叫good morning，再看見你們上堂的表現，總覺得你們長大了很多!

看見你們每個人都精神奕奕，容光煥發，心裡不禁要讚嘆：「年青人係唔同d，o甘快可以recover!!」

到上你們的 bio 堂，起初被你們嚇了一跳，敬禮好像步操似的，仲叫我「Good Morning Madam!」

雖然我都係鍾意你地叫我 Miss 張多d~ 但真係好希望你地呢份火熱既心可以一直維持下去!

努力呀~~!!各位F.3 既精英!!

禁毒先鋒營

F.3 的禁毒先鋒營終於完滿結束喇!!

尋日參與左佢地既Passing out ，心裡有好多感受。

雖然今次既營會我不用入到營地參與，但身為籌備小組成員的我和一眾老師，

早在7月初已經開會同埋籌備工作。坦白的說，起初都擔心個camp對你們會否太harsh?

步操、紀律訓練......步操、紀律訓練......還有深夜的「突擊」操練!

仲記得有些老師參與了頭兩天的營會，聽到你們都很辛苦，女同學體力上有不繼、有些更受傷了；男同學有時做得唔好，看見別人被罰做Push-up，心裡必定不好受。

但經過昨天看見你們的passing out，真的覺得你們好叻!!

看見你們落力、用心的練習步操，那一份認真、那一份專注，我真的好感動!

有些平日上課唔專心、偶然「雲遊太空」的，在步操時卻精神煥發、非常醒神!!

哈哈~~期待你們上課都是這樣啊~~*o*

最深刻既係你們「劏魚」的片段，雖然有點兒攪笑，但亦看得出你們的盡心、盡力!!

這絕對是「絕地求生」啊!

我相信這個camp對於你們來說是非常值得，縱然辛苦，但當中經歷過的必定畢生難忘!!

F.3 的同學仔，你們令我引以為傲!!你們在我心目中係最叻仔叻女喔~~!!

出卷黑仔記

自我懂性以來，我都覺得電腦唔係我既好朋友! 呢幾日又再一次證明呢個係事實。

事緣仲有兩個星期F.5就考試，呢幾日都忙緊出份BIO卷。只不過每次出卷，因為要出晒中英文版，仲要兩份Paper，每次總要花上好幾個甚至十幾個鐘頭先完工。今次也不例外。

唉........前日當我滿心歡喜o甘完成當中既中文paper I 問答題既時候，竟然發覺電腦"HAND"左機....

之後，份中文卷從此就同我永別了!!

沒有辦法之下，唯有再用僅餘既Back-up，再重新打多一次。今次未到一半，又彈d字話我聽個檔案已經損壞了。

o甘我唯有開個一個新file再打過! 非常感恩，份中文paper I 終於順利出世喇!!

於是，又再戰埋個英文版。

不幸既事繼續發生..........當我完成晒既時候，正想Print 出來之際，又係「檔案已經損壞了」?????

正當我就黎想打部電腦既時候，o甘岩又到週會堂，今日高班週會係汪明欣小姐既分享，她從8歲開始失明，但她可以成為作家、開演唱會、畫畫......最深刻就係佢果份正面積極既人生態度!!

從佢既生命真的見到彩虹!!

而我，雖然個電腦o甘鍾意同我玩，我都係重新打過者~~沒有什麼大不了!!

呢個世界仲有好多比我們更不幸的人!!

所以，我要振作!!!!

同學們，你地都要加油!!!

陪審員

原來上一篇blog 已經係半年前既事了!!

經不少學生既提醒，不停話我個xanga 就黎「發霉」之後，今日要重新寫下先!!

o係上個月已經收到信話尋日要去高等法院遴選陪審員，之前真係好擔心，好驚真係抽中既話要做好耐，仲慘就係影響到平日既教學。不過我都係冇得選擇，繼尋日冇case 需要陪審員之後，今日都要請半日假去遴選。

其實整個過程雖然長左d，但係都幾好玩!

首先有成百幾人好似我o甘o係一間房度集合，點完名就入去其中一個法庭，一入到去，真係好似做戲o甘，原來今次既case係審一宗「強姦案」~~總共要審11個工作天。

當其中一人被抽中做陪審員的話，控辨雙方律師有權提出反對。

之前聽家姐講話呢d 案件辨方律師一定唔想選女士入陪審團，o甘岩今次抽中的好多都係女士，所以律師就好快提出反對。雖然要選只係7人，但足足選左成個鐘先至選晒~~!

原來仲有第二個court 要選陪審員，於是我地又浩浩蕩蕩的入去第二個court，今次法官、律師都係外國人，所以所有對話都係用英文! 呢次案件係謀殺案，估計要審成40個工作天!!!

好彩沒有被選中，否則，學校既教學進度一定大受影響。

兩宗案件不約而同的係，案中既犯人都係好年青，第一宗既3個犯人，外表斯斯文文，都幾老實；而第二宗果5個犯人，外表都只係似十幾歲，非常單純。心想，如果佢地真係被定罪，o甘佢地既前路真係幾難行! 可能前途盡毀!

不過無論如何，今日都算係一個好好既見識機會，法庭裡的莊重、嚴肅，的確好難忘!!

最重要係，不要行差踏錯呢!